Dead on arrival sa ospital ang driver, matapos nga nadulaan sang kontrol kag natumba sa ginamaneho nga motorsiklo sa Purok Poticar Extension, Brgy. G.P.S, Koronadal City, pasado alas 12:00 sang kaagahon sang Oktubre 31, 2021.
Sa imbestigasyon sang Koronadal CPS traffic section sakay sa Honda Motorcycle ang biktima nga si Ruben Talipas, 39-anyos kag residente sang Purok Roxas, Brgy. Sta. Cruz, Tampakan, South Cotabato upod ang ginkilala kay Juneil Nakano,32-anyos, single, kag residente sang Prk. Quezon, Sta. Cruz, Tampakan sang pag-abot sa rough road sa atubangan sang Tolido Residence nadulaan sang kontrol sa ginamaneho nga motorsiklo ang biktima kag natumba.
Angot sini, nakaangkon sang minor injuries ang backrider, apang ang biktima ang nakaangkon sang seryoso nga pilas rason nga gindeklarar nga patay sang attending physician.
