Davao City – Patay ang usa ka driver sa motorsiklo human mibangga sa PUJ ug pribadong sakyanan sa Davao-Bukidnon road alas 9:30 sa kagabhion.
Sa blotter sa Talomo PNP, ang biktima nga si Alexis Bangcaya, 24 anyos, ulitawo, residente sa Brgy. Mintal, Davao City, nagmaneho sa iyang motorsiklo padulong sa Ulas, gikabangga niini ang PUJ nga gimaneho ni Julious Cailing nga nagpuyo sa Brgy. Mintal Davao City sa ingun man Ford Everest nga gimaneho ni Isagani Saypon nga taga Upi Maguindanao.
Sa imbestigasyon nga padung sa Mintal ang PUJ ug miliko kini pa-wala aron mupagasolina apan gikabangga niini ang gikasugat nga motorsiklo sa biktima.
Tungod sa impact nalagpot ang biktima ug naligsan usab kini sa nagsunod nga Ford Everest.
Miresponde ang Medical Team sa Central 911 ug gideklara ang biktima nga hikabsan sa kinabuhi.
Daling gidala sa Colado Funeral Parlor ang patay nga lawas sa biktima.
RadyoMaN Erin Lumosbog
