Davao City – Arestado sa Talomo police ang usa ka security guard human makapusil sa iyang kaubang service crew alas 11:00 ang takna sa kagabhion.
Sa blotter sa Talomo PNP, ang biktima mao si Razad Casan, 20 anyos, service crew sa usa ka iladong fast food chain, nagpuyo sa Mini Forest Boulevard Davao City, ug ang suspek mao si Manny Mato, 23 anyos, security guard ubos sa Golden Security Agency, ug lumad nga taga Kabacan, North Cotabato.
Sa imbestigasyon, samtang mirelibo ang suspek sa iyang post sa express delivery sa Matina, kalit lamang nga gpusil sa suspek ang biktima.
Gidala ang biktima sa Southern Philippines Medical Center (SPMC) samtang naaresto ang suspek ingun man nakomposkar ang armas nga 9mm armscor ingun man ang walo ka bala.
Depensa sa suspek nga komedya ra kuno ang iyahang gihimo sa pagtuo nga gikuhaan og magazine sa iyang karelibo ang gwardiya.
Apan sa pagreview sa CCTV, makita nga gition sa suspek ang pistola ug mibuto kini tumong sa biktima.
RadyoMaN Erin Lumosbog
