Dead on arrival sa ospital ang isa ka driver kag kritikal naman ang kondisyon sang isa sa pagbungguanay sang duha ka mga motorsiklo sa Provincial road sa Prk. Planters, Bgry. Guinsang-an, Sto.Niño South Cotabato, alas 6:30 kagab-i, Hunyo 30, 2021.
Imbolbado sa nasambit nga insidente ang 1 ka unit sang Kawasaki Bajaj CT 100 bilang V1, ginamaneho ni Ben Rejoice Cabaluna Mitchao, 44 years old, security guard kag residente sang Prk. Mainawaon, Brgy. Esperanza, Norala, South Cotabato kag isa ka unit sang Kawasaki Baja CT 100, ginamaneho sang wala nakilal-an nga persona.
Sa imbestigasyon sang Sto. Niño MPS, nagbungguanay ang duha ka mga motorsiklo nga nagresulta sang malala nga head injuries ang duha ka mga drivers.
Gindala naman sa ospital ang mga biktima sang rescue team sang Sto. Niño nga ginapangunahan sang Bureau of Fire, apang gindeklarar nga dead on arrival sang attending physician ang driver sang V1.
Nagcoordinate naman ang Sto. Niño MPS sa mga barangay’s kag kaiping nga banwa para sa pagkilala sa driver sang V2.
