Davao City- Dead on the spot ang usa ka driver human nabangga ang iyang gidrayban nga motorsiklo ngadto sa ford tractor sa Purok African Daisy-B, Baguio Proper, Davao City alas 5:25 sa hapon.
Sa report sa Davao City Police Office, giila ang driver nga namatay nga si Roldan Ancheta 28 anyos, residente sa Purok Poblacion Kapalong, Davao del Norte samtang giila usab ang driver sa tractor nga si Carlos Garcia, 52 anyos, nagpuyo sa Walingwaling Brgy. Baguio Proper ning syudad.
Matud pa sa kakusog sa dagan sa motorsiklo nga gimaneho ni Ancheta gikan sa Brgy. Cadalian padulong sa Baguio Proper, wala kabantay nga adunay tractor nga giparking sa outer lane sa Calinan-Baguio-Cadalian Road sa dihang nabanggaan ang atubangan sa tractor hinungdan nga nakaangkon og grabeng samad sa lawas ug sa ulo resulta sa hinanaling kamatayon ni Ancheta.
Ang patay nga lawas sa driver gidala na sa Calinan Angel funeral parlor.
RadyoMaN Don Pulayao
