Davao City – Nakagawas na sa prisohan sa San Pedro PNP ang drayber sa armored vehicle kinsa nakaligis-patay sa 2 anyos nga bata pasado alas 5 sa hapon.
Gikumpirma kini ni San Pedro PNP Deputy Station Commander PSI Bienvenido Cuison ila ng gi-release ang driver nga si Gregorio Vito Jr. lakip na ang armored van human nga nadawat nila ang release order gikan sa City Prosecutor’s Office.
Sumala ni Cuison na-dismissed na ang gipasang-at nga kasong reckless in prudence resulting in homicide batok sa drayber human nga ni-file og affidavit of desistance ang inahan sa bata nga si Angeli Tirol niadtong Mayo 15 adlawng Martes.
“Ang resolution na nag-desist iyong complainant na hindi na daw siya mag-testify sa court at wala na siyang plano na mag-file ng kaso sa respondent. Dili nata magpadayon ani nga kaso kasi wala ng complainant,” sumala ni Cuison.
Sa pikas bahin atol usab sa phone interview sa DXDC Team kang DASIA Armored Car Services Center Admin Manager Desiderio Belarma gipaabot niini ang ilang pasalamat sa pamilya sa menor sa pagpasabot sa nahitabong aksidente.
Sumala ni Belarma wala pod nila gipasagdan ang pamilya ug hangtod sa ulahing kapahulayan sa bata nagpadayon ang ilang pagtunol og tabang subay usab kini sa mando sa chief executive officer (CEO) sa DASIA nga si Glenn Escandor.
Gisulayan pa sa DXDC nga makuha usab ang pamahayag sa mga ginikanan sa bata.
RadyoMaN Aimee Guinita
