General Santos City–Takdang pasakaan ug kasong reckless imprudence resulting to homicide ang driver sa usa ka canter truck nga si Eugine Bantilan hamtong ang panuigon ug nanimuyo sa prk. Bantilan barangay Sinawal ning syudad human nga wala sila masettle sa mga kabanay sa iyahang nabangaan patay nga si Vincent Quabo, hamtong ang panuigon nga nanimuyo man usab sa barangay fatima ning syudad.
Kung kahinumduman nga parihong nagdagan ang canter truck nga gimanihoan sa suspect ug ang stx nga motorsiklo nga ginamanihuan sa biktima sa Prk 2 –B, Suyaw Village, Barangay Fatima, alas 8:00 pasado ang takna sa gabie.
Muliko na unta ang canter truck sa lubak nga dalan sa maong lugar ug wala namatikdan ang padulong nga motorsiklo nga gimanihoan sa biktima hinungdan nga nagsungag gayud ang duha ka mga sakyanan nga hinungdan nga naka-angkon ug samad sa iyang ulo ug nagkadaiyang parti sa lawas ang biktimanga hinungdan sa iyang kamatayon.
Sa kasamtangan gikustudiya na sa police station 7 ang driver sa truck nga si Bantilan. (Dave Silagan)
