General Santos City—Gikustudiya pa karon sa buhatan sa Traffic Management Unit ang driver sa usa ka delivery truck nga si Julito Raza, 32 anyos nga nanimuyo sa Matina, Pangi, Davao City human nga nalambigit ang ginamanihoan sa nasangpit sa usa ka aksidente sa kalsada nga gikamatay sa usa ka Ian Mark Daz nga nanimuyo sa Barangay Calumpang, Gensan.
Sumala pa ni Po3 Limuel Aves ang imbistiogador sa Traffic Management Unit nga nagdagan matud pa ang duha ka sakyanan sa highway nga bahin sa Prk. 5, Barangay Katangawan ning syudad sa Heneral Santos, alas 5:00 pasado ang takna sa buntag apan kalit lang matud pa nga misugat ang motor nga gimanihoan sa biktima hinungdan nga mibangga kini sa delivery truck nga maoy hinungdan sa iyang kamatayon.
Sa kasamtangan gipaabot nalang sa kapulisan ang mga kabanay sa biktima alang sa legal nga aksyon nga ilang buhaton samtang posible man usab nga mag-atubang ug kasong reckless imprudence resulting to homicide ang driver sa delivery truck nga si Julito. (Dave Silagan)
