Davao City – Nakabsan sa iyang kinabuhi samtang gitambalan sa Southern Philippines Medical Center (SPMC), ang driver sa motorsiklo nga si Roderick Rod Jorolan Rubin, 37 anyos, nagpuyo sa Arroyo Compound, Matina, ning syudad human sa nalambigit sa vehicular accident sa C.P. Garcia Highway, Matina, Davao City.
Subay sa report sa kapolisan sa Talomo, samtang nagsubay sa maong dalan sa susamang direksyon sakay sa iyang motorsiklo ang biktima ug ang truck nga gimaniho ni Efroilan Guillermo, 49 anyos, taga-Bukidnon padulong sa Ulas nga bahin, nawad-an sa preno ang truck ug iyang nabanggaan ang motor ug nakalso nga miresulta sa pagkaputol sa tiil ni Rubin.
Driver sa truck nga si Guillermo gikustodiya na karon sa Talomo Police Station.
RadyoMaN Paul Canono
