Davao City – Arestado ang unom ka mga individual human naaktuhan sa drug den atol sa joint buy-bust operation sa pagpanguna sa National Bureau of Investigation (NBI-XI) ug mga sakop sa Philippine Drugs Enforcement Agency (PDEA-XI) sa Sta. Lucia, Brgy. Leon Garcia, Agdao, syudad sa Davao.
Base sa report sa NBI-XI, ang mga suspek mao sila Bryan Duero, Sannerson Serna, Justine Alegado, Fitz Gerald Rollon, Jay Emerson Tacsan ug Joemar Taylaran, parehong mga residente sa nahisgutang lugar.
Nakuha gikan sa mga suspect ang unom ka nagkalain-laing gidak-on sa paketeng shabu kantidad dul-an P200,000 lakip ang mga illegal drug paraphernalia.
Ang unom ka mga dinakpan preso na sa NBI-XI ug mag-atubang sa kasong kalapasan sa R.A. 9165 (Comprehensive Dangerous Drugs Act of 2002).
RadyoMaN Don Pulayao
