Driver sa motor patay human naligsan sa truck

278

Davao City,Fire Volunteer sa Central 911 nga si Doer Lagam, taga Kadayawan Homes, Bangkal syudad sa Davao, ang nakabsan sa iyang kinabuhi human naligsan sa truck nga nagsunod kaniya sa Carlos P. Garcia Highway Diversion Road, dakbayan sa Davao.

Base sa inbestigasyon sa kapolisan sa Talomo, alas 4:10 ang takna sa kahaponon samtang nagsubay sa maong dalan si Lagam sakay sa iyang motorsiklo, pag-abot atubangan sa Gap Farm kalit nawad-an og kontrol ug na-slide ang gimanehong motor niini hinungdan nga nabalintong ug nalatayan siya sa usa ka truck nga nagsunod kaniya nga gimaneho ni Jerol Alfonso Roldan, 30 anyos ang pangidaron nga taga Barangay Alambre, Toril syudad sa Davao.

Sumala ni Roldan, wala na niya makontrolar ang iyang gimanehong truck ug naligsan ang biktima hinungdan sa kamatayon niini. Nadala na ang patay’ng lawas sa biktima sa punerarya, samtang si Roldan detinado na sa Talomo PNP ug gikatakdang pasakaa’g kaso.
Kasamang Bernard Pantallon


Facebook Comments