General Santos City – DEAD on arrival sa ospital ang usa ka lalaki human nga nabanggaan ang motorsiklo niini didto sa may national highway, Purok 10, Barangay Poblacion , Tupi, South Cotabato.
Biktima giilang si Alexander Magon Villalon, 24, residente sa Sitio Lemblisong, Barangay Kablon Tupi, South Cotabato.
Subay sa report sa Tupi PNP nasayran nga sakay si Villalon sa iyang motorsiklo gikan sa direksyon sa General Santos City paingon sa Koronadal City.
Paliko na unta ang biktima apan aksidenti kining nabanggaan ug Van nga nagsunod ngadto kaniya. Ang van gimanihuan sa usa ka Haime Husain, 25-anyos. Samtang tungod sa kusog nga impact sa pagbangga sa van, nalagpot ang biktima rason nga nabanggaan na sab kini ug usa pa ka sakyanan nga gimanihuan ni Armando Arceo, 53-anyos.
Gidali pag dala sa ospital ang biktima apan gideklara kining dead on arrival. Samtang apil usab nga gipangdala sa ospital ang duha ka driver sa duha ka sakyanang mibangga sa biktima.
