Polomolok, South Cotabato–Dead on arrival sa hospital ang driver sa motorsiklo, human kining nahulog sa tulay sa Brgy. Upper Klinan, Polomolok, South Cotabato alas 12:57 niadtong nakalabayng adlaw.
Ang biktima giilang si Daryl Ek Ganacial , 25 anyos, single ug residente sa Prk. Pagkakaisa, Brgy. Maligo, Polomolok, South Cotabato.
Sa imbestigasyon sa Polomolok Municipal Police Station, Sakay matud pa ang biktima sa iyang Honda XRM 125 nga motorsiklo ug nagbyahe sa Brgy. Upper Klinan Road particular na sa Prk. Paglaom padulong sa Brgy. Cannery Site, apan pag-abot sa maong lugar nawad-an ug kontrol ang biktima sa iyang motor ug nahulog sa tulay.
Nakaangkon kini ug serysoso nga head ug body injury kansa gilayon man nga gidala sa Howard Hubbard Memorial Hospital, apan gindeklara kining dead on arrival (DOA) sa iyang attending physician.
