Driver sang motorsiklo, patay sa disgrasya sa kadalanan sa Norala, South Cotabato

24

Norala, South Cotabato–Patay ang driver sa motorsiklo human nga malambigit sa disgrasya sa kadalanan sa may barangay road nga sakop sa Purok Mercado Rizal, Brgy. Poblacion, Norala, South Cotabato pasado alas 11:00 sa buntag niadtong nakalabyang adlaw.
Giila ang biktima nga si Ariel Faulve Famulag, 37 anyos ug residente sa Brgy. Liberty, Norala South Cotabato.
Sa imbestigasyon sa Norala Municipal Police Station, ang Suzuki motorcycle nga gimaneho sa biktima ang aksidente nga nabanggaan sa usa ka unit nga Sedona Red Mitsubishi Montero Sport Wagon nga ginamaneho ni Tristan Fabillon Laroza, 31-anyos, negosyante kauban ang pasahero nga si Camilo Fresnido Estaza, 66 –anyos pulos residente sa Purok Mabine Brgy. Lapuz, Norala, South Cotabato.
Gidala pa sa ospital ang biktima, apan gideklara nga patay sa iyang attending physician, samtang ang pasahero sa Montero Sport ang gin-admitar sa Norala District Hospital human nga nakaangkon ug samad. Ang driver nga si Laroza ang gidala sa Norala MPS alang sa imbestigasyon.

Facebook Comments