Koronadal City–Patay ang driver sa motorsiklohuman kini nadisgrasyasa may Gensan Drive particular na atubangan sa Agri Bank, nga nahimutang sa Brgy. Zone 3, Koronadal City.
Giila ang biktima nga si Clark Vincent Casa Ibañez, 22-anyos ug residente sa Purok Dumpsite, Brgy. Saravia Koronadal City.
Nahilambigit sa maong disgrasya ang Yamaha Sniper 150 nga ginamanehuan ni Ibañez, ugang Honda TMX with sidecar nga ginamanehuan ni Deomar Farnazo Espia, 31-anyos nga residente sa Doña Lourdes Subd., Brgy. Zone 2 Koronadal ug usa pa ka wala na-ilhan nga motorsiklo.
Sa imbestigasyon sa Koronadal City Police Station, ang motorsiklo sa biktima ang gikan sa City hall diin pag-abot sa lugar, nabanggaan kini sa wala pa nailhan nga motorsiklo ugtungod sa kapaspas sa dagan niini, nalabay kini sa pikas lane timing usab nga miagi ang usa ka tricycle ug kini nabanggaan.
Gidala pa sa South Cotabato Provincial Hospital ang biktima, apan gideklara nga dead on arrival sa attending physician tungod sa naangkon niini nga grabeng samad sa lawas. Sa kasamtangan padayon ang imbestigasyon sa maong insidente.
