Patay on the spot ang driver sa motorsiklo human mapasok sa atubangang bahin sa naka tagbo niining izuzu forward truck nga kargado’g lamas sa tungason ug kurbadang lugar sa Maputi, Naawan, Misamis Oriental pasado alas 7 kagabie.
Naila ang biktima pinaagi sa iyang driver’s license nga si Rey Oco, gibanabanang anaa sa 42 anyos ang edad og mulupyo sa Purok 2 Loguilo, Alubijid, Misamis Oriental.
Samtang ang drayber sa maong forward truck nailang si Ariel Villaver, 38 anyos nga taga Banglay, Tangub City.
Mi-asoy si Villaver nga gikan pa sila Cagayan de Oro ug sa paghidangat nila sa palugsong nga bahin sa Naawan, nasugat niini ang biktima kinsa mi-overtake sa gisundan niining laing sakyanan.
Wala na madala pa sa tambalanan ang biktima gumikan sa grabeng nahi-aguman nga mga bali ug kada-ut sa iyang lawas.
Bulontaryong mitahan sa iyang kaugalingon ngadto sa kapulisan sa Naawan ang suspetsadong drayber.
