South Cotabato– Dead on arrival sa ospital ang driver sa motorsiklo human madisgrasya sa National Highway, Purok Paghidait, Brgy New Iloilo, Tantangan, South Cotabato, alas 7:40 sa gabie niadtong nakalabayng adlaw.
Ang nahilambigit sa disgrasya gilangkuban sa usa ka unit nga Jialing MC, nga gimanihuan ni ni Johnny Herrera Montales, 47 –anyos ug may backrider nga gi-ilang si Rodolfo Lardera Lamigo Jr., 39 -anyos, minyo usa ka construction worker susamang residente sa Prk Mahidaiton, Brgy. Libas, Tantangan, South Cotabato ug 1 ka unit sa Toyota Avanza, nga ginamanehuan sa usa ka Lino Padernal Solatorio, 37-anyos, ug residente sa Lower Paredes St., Koronadal City.
Base sa imbestigasyon ang duha ka mga sakyanan ang nagsubay sa susamang direksyon ug pag-abot sa maong lugar aksidente nga nabanggan sa Toyita Avanza ang motorsiklo sa likod nga bahin. Gumikan niini, nakaangkon ug samad ang driver ug ang back rider sa motorsiklo sa nagkadaiyang parte sa kalawasan kansa gilayong gidala sa South Cotabato Provincial Hospital, apan ang driver ang gideklara nga DOA sa attending physician, samtang ang driver sa Avanza ang wala usay naangkon nga samad. Ang duha ka mga sakyanan ug ang driver sa Avanza ang anaa na karon nakakustudiya sa Tantangan Police Station.
