General Santos City—Pormal nang gipasakaan kasong reckless imprudence resulting to homicide, serious physical injuries ug damaged of property sa mga kabanay ni Fo3 Perfecto Roda impleyado sa Bureau of Fire Protection Gensan ang driver nga naila sa pangalang si Aladin Maslon, 28 anyos lumolopyo sa may barangay Small Margus Glan kansang mao’y responsabling mibangga sa pamilyang Roda nga gikamatay sa lolang si Erlenda Otanes, 72 anyos, taga Lote barangay Calumpang ug apo niining pito ka bulan.
Samtang anaa pa karon sa talandugong kahimtang ang magtiayong silang si Perfecto ug Myla Roda apil na ang uban pang mga kabanay niini nga silang Rein Stephan Otanes, 17 anyos, taga Purok Bayanihan Barangay Calumpang, Thirdy Roda Jr., 17 anyos, Kiefer Roda, 3 anyos, parehong residente sa may VS Homes, Purok Malakas, barangay San Isidro ning dakbayan.
Mismong si Police Senior Inspector Benjie Anchieta Hepe sa Alabel Municipal Police Station maoy mikumperma nga napasakaan nag kaso ang driver nga si Maslon human sa ngilngig nga aksidenti sa kadalanan nga nahitabo sa Kawas, Alabel, Sarangani Province.
Kahinumduman nga bandang alas 7:59 sa buntag samtang sakay sa VIOS nga kotse ang pamilyang Roda paingon sa Glan, paghidangat sa may Purok 6, barangay Kawas kalit lang matud pang mi-over take ang drayber sa bus truck nga si Maslon hinungdan nagbangga ang duha ka mga sakyanan asa dead on arrival sa pribadong balay tambalanan ang mag lola. (Ray Sabillo)
