General Santos City—gikatakdang pasakaan ug kaso sa pamilya sa duha ka mga namatay nga biktima ang driver sa Trailer truck nga midasdas sa strada pick-up nga gisakyan sa mga nahisgutan sa Sitio Buayan, Barangay Malandag, Malungon, Sarangani Province alas 11:00 ang takna kagahapong adlawa.
Kahinumduman nga patay gyud silang si Norman Cagalitan, driver sa pick-up ug Ronald Lara, samtang angol usab ang tag-iya sa pick-up nga si Philip Martin Sturm, pulos taga Davao City human nga gidaro sa trailer truck nga gimanihuan ni Ernesto Soministrado nga taga Barangay Mabuhay Gensan.
Sumala ni Police Sr. Inspector Arman Tuban, Deputy Chief Of Police sa Malungon Municipal Police Station nga sa karon ila nalang gipaabot ang pamilya sa 2 ka mga biktima aron sa pagpasang-at ug kaso.
Kasong recless imprudence resulting si homicide and posibling atubangon sa driver nga si Soministrado.
Nasayran nga migula sa imbistigasyon sa Malungon PNP nga nawad-an ug preno ang trailer truck samtang anaa sa bahada sa maong lugar maong nadaro niini ang gisundang sakyanan nga nagpila sa one lane nga kalsada sa maong lugar.
Nasayran nga apiki kaayo ang dalan unahan sa buayan bridge gumikan kasamtangan pang gilailawom sa road construction.
