Mikatkat matud pa sa 10-wheeler truck ang kinse anyos nga Bernard Carahasan, nga taga- St. John, Barangay Puntod ning syudad samtang nagdagan ang maong sakyanan.
Tungod niini, nahulog ang nasangpit nga menor de edad ug napasok kini sa ilawom sa truck hinungdang nalatayan patay kini sa nagdagan nga sakyanan.
Gipahayag ni Police Master Sergeant Alhabsi Akmad, ang traffic investigator sa Agora Police Station nga basi sa nakakita, nga buot kuhaon sa maong batan-on ang maso nga gibutang sa driver sa spare tire sa truck apan walay swerte nga nahulog kini og nakapaingon ilawom sa truck ug nalatayan patay.
Nasayran nga nadala pa ang biktima nga taga-Gaabucayan Extension, Barangay Lapasan sa Northern Mindanao Medical Center, apan wala na kini matabang sa mga doctor.
Dugang pa ni Akmad nga posibling mapasakaan sa kasong reckless imprudence resulting to homicide ang driver, apan magdepende na kini sa panagsabot tali sa tag-iya sa truck ug pamilya sa biktima.
