General Santos City—padayon ang gihimong imbistigasyon sa Kapulisan kalabutan sa pagpamusil patay sa usa ka van Driver nga nahitabo sa National Highway ning dakbayan duol lang sa Mang Inasal.
Biktima giilang si Datu Rasid Pigan, legal age, residenti sa Pomololok, South Cotabato.
Sa inisyal nga imbistigasyon sa kapulisan, alas 10:00 ang takna kagabie samtang nagmaniho sa iyang gimanihuang van ang nasangpit, kalit kining gipusil sa duha ka mga lalaking sakay sa motorsiklo pila ka higayon.
Nakaangkon ug mga samad sa iyang lawas ang biktima nga nahimong hinungdan sa iyang kamatayon.
Human sa pagpamusil, paspas nga nakasibat ang suspek sa wala sayring lugar samtang ang biktima wala na nadala pa sa ospital human nga nakabsan gilayon kini sa iyang kinabuhi. Sa karon padayon ang gihimong imbistigasyon sa kapulisan, kalabutan sa insidenti.
