General Santos City–Hustisya karon ang singgit ni Florencia Diamante ang asawa sa na hit and run patay sa usa ka pampasehong van sa Pagalungan hi-way nga si Brigido Dimante, 62 anyos, residente sa Barangay Pagalungan, Polomolok.
Sumala pa sa asawa nga miadto ang iyang bana sa tindahan kay dunay gipalit apan kalit kining gibanggaan sa van dihang mitabok sa dalan nga maresulta sa kamatayon sa nasampit samtang gilayong misibat ang driver sa van.
Pagbutyag usab ni Margarita Superioridad ang tindera sa tindahan nga nagpalit pa ang biktima sa ilang tindahan apan pipila ka minuto sa pag uli niini nakit-an matud pa sa iyang apo nga nabanggaan na sa van si Brigido Diamante.
Samtang gibutyag usab ni PO3 Bobby Villena, investigator sa TMU Polomolok nga miovertake matud pa ang pampasaherong van agi sa inner lane sa pagalungan hi-way wala niya nabantayan ang biktima mao nga iyang nabanggaan.
Dugang asoy ni Villena nga ilaha ng nailhan ang pangalan sa driver sa van apan dili pa nila ibutyag ang pangalan niini, nakita matud pa sa cctv camera sa lugar ang plate no. sa van. Samtang mag atubang og kasong reckless imprudence resulting to homicide ang driver nga wala pa misurender sa kapulisan hangtod sa kasamtangan.
