Driver sa van sa Bagangga road crash kasohan

85

Davao City – Gikatakdang ipasaka karong adlawa ang kaso batok sa driver sa van nga nalambigit sa aksidente sa Barangay Central sa Bagangga, Davao Oriental alas-12:30 sa udto kagahapong adlawa, Martes, September 17, 2019.

Sa interbyu sa DXDC RMN Davao kang Police Senior Master Sgt. Larry Ramos, traffic investigator sa Bagangga PNP, gisaysay niini nga gimaneho ang van ni Chris Francisquete, taga Caraga diin naggikan kini sa Caraga padulong sa Bangangga. Pag-abot sa lugar, kalit na sumala pang ni U turn ang van rason nga nabanggaan niini ang bao-bao hinungdan sa pagka angol sa driver niini nga si Joy Sabar taga Lupon.


“Kadtong van, nag U-turn siya. Wala niya gi-clear sa ang karsada nga dapat i-clear sa niya, paagi-on sa ‘to niyang bao-bao. Kalit man niya gi U-turn di nabangga niya,” saysay ni Ramos.

Kasong reckless imprudence resulting to damage to property and serious physical injuries ang ipasaka sa driver sa van diin nasayran usab nga Student Permit (SP) lamang ang dala niini.

Pahimangno usab sa traffic investigator nga importanteng magbaton og disiplina sa kaugalingon ang mga nagamaneho aron malikay diha sa disgrasya sa dalan.

RadyoMaN Kirby Manzon

Facebook Comments

From Advertisers