Driver sang motorsiklo patay, matapos bungguan.

22

Patay ang driver sang motorsiklo sa nagluntad nga disgrasya sa dalanon sa Prk. Sampaguita, Brgy. Colongulo, Surallah, South Cotabato,alas 10:00 sang aga kahapon nga adlaw, Nobyembre 4, 2020.
Ginkilala ang biktima kay Julius Lubas Pelipid, 23-anyos, single, mangunguma kag residente sang Brgy Tasiman, Lake Sebu, South Cotabato kag nagamaneho sang Honda RS 125.
Sa imbestigasyon sang Surallah MPS ang Honda RS 125 nga ginamaneho sang biktima ang padulong sa Surallah sang ginbungguan sang Suzuki Raider 115 nga ginamaneho ni Renerio Pagdato Pagulong, 54 –anyos, construction worker kag residente sang Purok Maligaya, Brgy. Dajay, Surallah nga padulong naman sa Lake Sebu, apang pag-abot sa atubang sang Fordan residence ang Suzuki Raider ang nagtinguha nga mag-overtake sa iban nga salakyan sang aksidente sini nga nabungguan ang motorsiklo sang biktima nga pareho naman ang mga ini nga natumba.
Apang ang driver sang Honda RS nga nagahigda sa dalan ang nabungguan pa sang wala naidentify nga salakyan nga nangin rason sang iya hinali nga kamatayon, samtang ang driver sang isa ka motorsiklo ang nakaangkon naman sang seryoso nga pilas nga gindala man sa ospital sa banwa sang Surallah.
Sa subong padayon pa ang imbestigasyon sang Surallah MPS sa insidente.

Facebook Comments