Napaslawan ang suspek sa plano sini sa isa ka BPAT member sang Brgy. Tasiman, Lake Sebu, South Cotabato matapos nga nadepensahan ang kaugalingon.
Sa imbestigasyon papauli na sa puluy-an sini si BPAT member Paolo K Saligan sang ang suspek nga si Eric Salaway, yara sa legal nga pang-edaron kag residente sang Brgy Lamfugon, Lake Sebu, South Cotabato ang gulpi nga nagsuplot kag hana sini nga lab-on gamit ang bolo ang BPAT, apang maswerte nga nagapalipod ini sa daku nga kahoy.
Samtang tungod nakit-an nga agresibo ang suspek napilitan ini nga magbato gamit ang dala sini nga bolo kag naagaw naman sini ang armas luthang sang suspek kag tungod sa pagdepensa sa kaugalingon natiro niya ang suspek nga nangin tunaan sang kamatayon sini.
Gilayon naman nga nagreport si BPAT Paolo K Saligan sa Lake Sebu MPS kag ginturn-over ang armas luthang sang suspek.
Samtang sa follow-up investigation sang Lake Sebu MPS ang suspek ang may kaso nga Murder kag pagbayolar sa R.A 9165 kag RA 10591.
