Igbaras, Iloilo- Patay ang driver sang motorsiklo matapos nabungguan sang isa ka 6-wheeler truck sa Brgy. Pinaopawan, Igbaras, Iloilo.
Ginkilala ang biktima nga si Buenvenido Mayo, 58 anyos kag residente sang Brgy. Bagacay, Igbaras.
Samtang ang driver sang truck ang ginkilala kay Joefrel Samiño sang Sta. Barbara, Iloilo.
Suno kay Samiño pakadto siya sa banwa bangud may sugaton apang hinali lang naglusot ang motorsiklo bangud nagapakarera sa isa pa ka motorsiklo.
Ginpahayag ni Samiño nga madasig ang dalagan sang motorsiklo gani wala na ini nakapangaman kag nabungguan gid ang motorsiklo.
Nahibaluan nga wala sang suksok nga helmet si Mayo kag bangud sang impact, nautod ang tiil sang biktima kag ginbawian gid sang iya kabuhi.
Nakahunong na sa Igbaras PNP ang driver sang truck.
(c) SB Member Vincent Robles
