Patay ang driver sang motorsiklo, matapos nga nabungguan sa Provincial road sang Barangay Lamsalome , Tboli, South Cotabato, kahapon nga adlaw, Marso 10,2021.
Imbolbado sa nasambit nga insidente ang isa ka unit sang Skygo Wizard 125 bilang V1, ginamaneho ni Paing Aminola, yara sa legal nga pang-edaron kag residente sang Barangay Lamsalome, Tboli, South Cotabato kag isa ka unit sang Isuzu Forward Truck ginamaneho ni Ronald Suarez Aquilino, 50-anyos kag residente sang Brgy. Simsiman, Norala, South Cotabato.
Sa imbestigasyon sang T`boli MPS, alas 5:30 kahapon nga adlaw ang V2 ang padulong sa Barangay Lamsalome kag pag-abot sa kurbada nga dalan sa nasambit nga lugar aksidente sini nga nabungguan ang motorsiklo.
Resulta ang driver sang motorsiklo nga ginamaneho ni Paing Aminola ang nakaangkon sang pilas sa mga nagkalain-lain nga parte sang iya nga lawas nga gilayon naman nga gindala sa ospital, apang gindeklarar nga dead on arrival sang attending physician.
Samtang ang driver sang V2 ang gindala naman sa T`boli MPS para sa safekeeping kag disposisyon.
