Dead on arrival sa ospital ang driver sang motorsiklo sa nagluntad nga vehicular accident sa National Highway, Purok Paghidait, Brgy New Iloilo, Tantangan, South Cotabato, alas 7:40 kagab-i sang Disyembre 19, 2020.
Imbolbado naman sa nasambit nga insidente ang isa ka unit Jialing MC, ginamaneho ni Johnny Herrera Montales, 47 –anyos kag may backrider nga ginkilala kay Rodolfo Lardera Lamigo Jr., 39 -anyos, may-asawa, construction worker pareho residente sang Prk Mahidaiton, Brgy. Libas, Tantangan, South Cotabato kag 1 ka unit sang Toyota Avanza, ginamaneho ni Lino Padernal Solatorio, 37-anyos, Clergy sang Iglesia Filipina Independiente sang Diocese of Koronadal kag residente sang Lower Paredes St., Koronadal City.
Base sa imbestigasyon ang duha ka mga salakyan ang nagasubay sa pareho nga direksyon kag pag-abot sa nasambit nga lugar aksidente nga nabungguan sang V2 ang V1 nga wala sang signal light sa likod.
May-angot sini, ang driver sang V1 kag ang back rider sini ang nakaangkon sang multiple injuries kag gasgas sa mga nagkalain-lain nga parte sang ila nga lawas nga gilayon nga gindala sa South Cotabato Provincial Hospital, apang ang driver sang V1 ang gindeklarar nga DOA sang attending physician, samtang ang driver sang V2 ang wala naman napilasan.
Ang duha naman nga mga salakyan kag ang driver sang V2 ang gincustody naman sa Tantangan.
