Patay ang driver sang motorsiklo sa nagluntad nga disgrasya sa dalanon sa Purok Que Alma, Brgy. Poblacion, Norala, South Cotabato, alas 8:30 sang aga sang Disyembre 23, 2020.
Sa imbestigasyon sang Norala MPS ang imbolbado nga mga salakyan amo ang Korak 110 motorcycle bilang V1, ginamaneho niLouie Evangelista, 32 years old, kag residente sang Purok San Vicente Brgy. Poblacion, Santo Niño, South Cotabato nga aksidente nga nakabunggo sa V-2 nga isa ka White Hyundai 10 Wheeler Dump Truck ginamaneho ni Felix Deita Banhao, 45 years old, kag residente sang Purok Sampaguita Brgy. Poblacion sa nasambit nga banwa.
Sa dugang nga imbestigasyon ang V1 ang padulong sa Brgy. Poblacion , apang pag-abot sa Faeldonia Rice Mill ang nasambit nga motorsiklo ang nakabunggo sa dump truck nga yara sa opposite direction, rason nga nahulog ang driver sang motorsiklo sa sementado nga dalan. Gilayon man nga gindala sa Norala District Hospital ang driver sang V1, apang gindeklarar ini nga patay sang attending physician.
Ang driver sang V2 kag ang dumptruck sini ang gindala sa Norala MPS para sa nagakigo nga disposisyon.
