DRIVER SANG SHERLYN TAXI, DAKOP SA BUY BUST OPERATION SA MANDURRIAO.

55

Arestado ang taxi driver sang Sherlyn taxi nga si Allan Montelibano Jr. , pumuluyo sang Greenworld Subdivision, Mandurriao sa ginhiwat nga buy bust operation sang Mandurriao PNP mga alas 10 kagab-i (Jan. 15)
Suno sa team leader sang Station Drug Enforcement Unit sang Mandurriao PNP nga natumod si Montelibano nga ginakuhaan sang illegal nga druga sang una nila nga subject sa buy bust operation nga si Junry Santos nga nadakpan sa Nabitasan, Lapaz.
Bangud sini, pinaagi sa ila asset, gin-transact nila si Montelibano kag ginhiwat ang baklanay sa Airport Mandurriao kon sa din nabaklan ini sang isa ka sachet sang suspected shabu kag nakuha pa gid sa iya paghhinakop ang anum ka sachet sang ilegal nga druga.
Kalakip sa narecover sang kapulisan ang buy bust money nga 600 pesos kag 6,000 pesos nga boodle money, isa ka pouch nga ginasudlan sang druga kag isa ka cellphone nga ghinagamit sini sa transaction.
Sa karon priso na sa Mandurriao Police station ang nasambit nga taxi driver kag magapangatubang sang nagakaigo nga kaso.

Facebook Comments