Davao City – Angay dawaton ug dili kinahanglan mureklamo og pila lang ang ihatag nga kantidad sa mga drivers ngadto sa mga dispatchers.
Kini ang reaksyon sa usa ka dispatcher sa dalang Bolton ning syudad nga si alyas Rosemarie kinsa 22 na katuig nga ginahimo ang maong trabaho.
Sumala niini nga wala namao ang gibuhat sa dispatchers nga nangulata og driver tungod lamang sa 10 pesos diin lantaw niini nga wala nakontento ang dispatchers sa nadawat nga kantidad apan matud niya nga di angay mangulata o mupatay og tao gumikan sa nasangpit nga kantidad.
“Basta di na mao, dapat ang driver, konduktor palanggaon nato na kay mao nay gahatag nato og pambugas adlaw-adlaw,” segun sa dispatcher.
Samtang ang usa ka dispatcher nga si alyas Ando miingon nga angay patas-an usab ang pasensya ngadto sa ubang drivers ug konduktor nga di magkasinabtanay.
Kahinumduman nga bun-og sa kalawasan ang nahiagoman sa usa ka driver nga si Salem Montano, 44 anyos nagpuyo sa Riverside, Calinan, Davao City human nakumpirma sa witness nga gikulata ang driver tungod sa 10 pesos nga gitunol sa maong biktima ngadto sa mga dispatchers.
RadyoMaN Renz Barbarona
