General Santos City—Padayon ang gihimong imbistigasyon sa Police Station 4 kalabutan sa pagpamusil patay sa bading nga si Reynaldo Fontavilla Estrada, hingkod ang pang edaron ug residenti sa Phase-A, Barangay mabuhay ning dakbayan alas 5:10 ang takna sa hapon Kagahapong adlawa.
Sa interview sa RMN News Team kang Police Chief Inspector Hoover Antonio, hepe sa Police Station 4 nga ila pa karon nga ginasuta kung kinsa ang Boyet nga una nang gibungat sa gun man ayha niini gipusil ang biktima.
Nasayran nga kalit lang misulod ang suspek sa panimalay sa biktima dayon gipusil ang nahisgutan nga hinungdan sa kamatayon niini.
Migula sa imbistigasyon sa kapulisan sa pagpatay sa biktima may kalabutan sa iligal nga droga human adunay nakit-ang mga empty sachet ug drug paraphernaliaās nga sa mga gamit sa nasangpit nga biktima.
Dili pa usab makumperma ni PCI Antonio kung user ba o pusher ang nahisgutan tungod ila pa karon nga ginasuta kung unsa gyud ang kalambigitan sa nasangpit sa illegal drug activity.
