Davao City-Aron dili magamit sa dili mao ug sakto ang moderno nga gadgets sama sa aerial drones gikinahanglan adunay balaod nga magkontrol sa mga tawo gikan sa pagpalit ug paggamit niini.
Gipamahayag ni Political Analyst ug Barangay Lasang Kapitan Alan Simo-ag nga bugtong ang balaod lang ang maka-regulate aron did-an ang mga tawo sa pagdula og drones apan kung walay pasukuranan ang mga otoridad lisod kini pugngan.
Dili lamang limitahan apan hingpit gayod did-an ang pribadong tawo sa paggamit og drones bisan pa og ang tumong kalingawan lang kung ngano magbaton og ingon ani nga gadgets.
Sanglit ang gitugutan sa balaod mao lang ang mga otoridad nga nagbantay sa sEguridad batok sa mga terorista ug mga kriminal nga musamok ug magtugaw sa kahapsay ug kalinaw sa atong dapit, sigun sa kapitan.
Nasayran nga kalapasan ang pagpalupad og drones nga walay pagtugot gikan sa Civil Aviation Authority of the Philippines ug puwede makasuhan ang bisan kinsa nga makasupak niini nga kamandoan.
Gawas niini,nagtoo si Kapitan Simo-ag nga kung pasagdan ang mga tawo sa paggamit og drones basin gamiton pa hinoon kini sa magkontra nga partido diin usa kanila mabutang sa kuyaw ang kinabuhi.
Gipabuhagay pa ni Simo-ag ang posibilidad nga basin mabutang sa piligro ang kinatibuk-ang siguridad sa siyudad kung pasagdan ug pagustuhan ang tanan sa pag-angkon og Drones.
Busa, kilangan na gyod mangahas ang kagamhanan sa paglimitar sa paggamit drones aron dili na masubli ang nahitabo sa panimay ni Pangulong Rodrigo Duterte kung asa gipaluparan og drone sa duha ka batan-on nga gisi-kop dayon sa Presidential Security Group niadtong buwan sa Hunyo karong tuiga.
Kasamang Joel Viray
