Ginlunsar sang Police Regional Office 6 ang DARE Program ukon Drug Abuse Resistance Education kadungan sang MOA signing sang nakaligad nga adlaw upod sa iban nga ahensya sang gobyerno kasubong sang DEP-ed, CHED, kag DILG kag inter-faith group nga nagadala naman sang kawsa nga Battle Against Drugs.
Ini agud makabulig gihapon sa kampanya kontra illegal nga druga pinaagi sa demand reduction drive agud mapalayo ang mga kabataan sa paggamit sang ginadili-an nga druga.
Ginpahayag ni PRO-6 spokesman Supt. Gilbert Gorero nga sa paglunsar sang DARE program kag sa natapos nga MOA signing, magasugod na sa masunod nga semana ang pagpadulong sang mga pulis sa pinili nga mga eskuwelahan agud magpanudlo sa mga estudyante sang malain nga madulot sang ilegal nga druga.
may kapin 50 ka mga pulis nga gin-training ang Dangerous Drugs Board agud maglibot sa mga eskuwelahan kag magtudlo sa mga estudyante
