DRUG BUY BUST | 3 arestado, kalakip ang 19 anyos nga estudyante sa operasyon sang mga kapulisan

411

Roxas City – Arestado ang tatlo ka mga drug personalities sa ginkasa nga drug buy bust operation sang Station Drug Enforcement Team sang Roxas City PNP sa Arches Subdivision, Barangay Inzo Arnaldo Village, Roxas City.
Ginkilala ang mga nadakpan nga sanday Arthur Inocencio sang Barangay Inzo Arnaldo Village, kalakip ang 19 anyos nga estudyante nga live-in partner sini nga si Pauline Paraiso kag pakaisa nga si Wilbert Antonino.
Narekober sang mga otoridad sa balay sang suspek ang siyam ka sachet sang suspected shabu, duha ka cellphones, aluminum foil, tooter kag marked money nga P500.
Nahibaluan masobra sa isa ka bulan ang ginhimo nga pagmanman sang mga kapulisan sa iligal nga aktibidad ni Inocencio antes ginpatigayon ang operasyon.
Nakahunong na sa karsel sang Roxas City Police Station ang tatlo ka mga suspek kag natalana nga pagapasakaan sang kaso nga pagbayular sa RA 9165 ukon Comprehensive Dangerous Drugs act of 2002.

Facebook Comments

From Advertisers