DRUG BUY BUST | 31- anyos nga construction worker, nadakpan nga nagaduso sang droga

Ivisan,Capiz – Dakop sa ginpatigayon nga drug buy bust operation sang mga katapo sa Station Drug Enforcement Team (SDET) sang Ivisan PNP ang isa ka construction worker sa Barangay Poblacion Sur, Ivisan, Capiz mga 7:00 kaina sang aga.
Ginkilala ang suspek sa kay Asis Abisan y Gimeo, 31-anyos kag residente sang Brgy. Malocloc Sur, Ivisan, Capiz. Nakuha sang mga otoridad sa kamot ni Abisan ang lima ka sachets sang suspected shabu kag P500 nga marked money.
Yara na nakahunong sa karsel sang Ivisan PNP ang nasambit nga suspek kag natalana nga pagapasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.

Facebook Comments