Malampusong nadakpan sa mga kapulisan sa siyudad sa Malaybalay ang usa ka 19-anyos nga lalaki human nga gilusad ang drug buy-bust operation sa mga otoridad pasado alas 4 sa hapon kagahapon didto sa Capitol Grounds, Barangay 6, Malaybalay City, Bukidnon.
Giila ang suspek nga si Christian Golosino, 19 anyos, ulitawo, ug residente sa Phase-1, Paglaum Village, Barangay Casisang, Malaybalay City, Bukidnon.
Narekober gikan sa suspek ang duha ka mga pakete sa gituohang drogang shabu nga sa karon padayon pang ginasuta ang kantidad ug timbang niini.
Lakip usab nga narekober ang usa ka P500 bill nga buy-bust money, usa walay sulod nga kaha sa sigarilyo, ug usa ka unit sa single motor.
Gidala sa Malaybalay City Police Station ang suspek alang sa tokmang disposasyon samtang iturn-over sa PNP Provincial Forensice Unit, Malaybalay City ang mga nakompiskang ebidensya alang sa eksiminasyon.
Mag-atubang sa paglapas sa RA 9165 kon Comprehensive Dangerous Drugs Act of 2002 ang dinakpang suspetsado.
Facebook Comments
