Roxas City, Capiz- Dakop sa ginkasa nga buy bust operation sang mga katapo sang Provincial Drug Enforcement Unit(PDEU)- Cluster Bravo ang isa ka 38-anyos nga manugbaligya sang fried chicken sa Brgy Poblacion Tabuc, Maayon, Capiz alas 4:54 sang hapon.
Ginkilala ang subject person kay Rogen Catalan y Bacayo sang Barangay Palaguian kag isa ka newly identified drug personality kun sa diin natigayon nga marekober sa iya ang kabug-osan nga siyam ka sachet sang suspected shabu, 500 pesos nga buy bust money. Samtang ginkumpiskar man sang kapulisan ang ginapanag-iyahan sini nga cellphone kag motorsiklo nga amu ang ginagamit sa pagtransaksyon sang ilegal nga druga.
Matapos nga maproseso, gindala sa Bailan District Hospital ang amu nga persona para sa physical kag medical examination samtang ang narekober naman nga mga items ang ginpadala sa Regional Crime Laboratory para sa dugang nga eksaminasyon.
Magapangatubang sang kaso nga paglapas sa Republic Act 9165 ukon Comprehensive Dangerous Drug Act of 2002 ang nasambitan nga persona.
photo © Maayon PNP PCR Section
