Roxas City, Capiz – Pasakaan sa gihapon sang kaso nga paglapas sa Republic Act 9165 ukon Comprehensive Dangerous Drugs Act of 2002 ang nakapalagyo nga subject nga si June Laserna y Borro, 44-anyos sang Sitio Pagutok Barangay Milibili, Roxas City.
Ginpahayag sang information officer sang Roxas City PNP nga si Police Master Sgt Ramil Arcangeles, nga posible namutikan sang suspek nga isa ka PNP member ang nagdaho sa iya sang kwarta kabaylo sang ilegal nga druga kabangdanan nga iya ini gintiklod kag madasig nga nagpalagyo paagi sa paglumpat sa pader sa nalikod nga porsyon sang ila poluy-an.
Narekober sang mga otoridad ang isa ka sachet sang shabu kag P3,000 nga boodle money kun sa diin isa lamang ka libo ang matuod nga kwarta .
Ang amu nga operasyon ang ginkasa sang mga katapo sang Station Drug Enforcement Team(SDET) sang Roxas City PNP kapartner ang PDEA-Capiz Provincial Office.
