Nagbunga na ang mabaskog nga kampanya kontra illegal nga druga sang banwa sang Mina, Iloilo.
Ini matapos gindeklarar ini nga drug cleared municipality matapos ang pila ka bulan nga deliberasyon sang Regional oversight committee on Illegal Drugs.
Ginhatagan sang certificate of drug cleared barangay ang 22 ka kabarangayan sang banwa sang Mina bangud nasunod sang mga ini ang mga pagsulundan nga ginhatag sang Dangerous Drugs Board.
Ginpahayag ni Mayor Rey Grabato nga indi man basta-basta ang away batuk sa ilegal nga druga bangud madamo sang mabungguan nga mga tawo apang bangud sa iya krusada kontra druga kag sa bulig man sang nagkalain-lain nga sektor sa komunidad, nangin madinalag-on ang ila kampanya.
Sa pagdeklarar sa tanan nga barangay sang mina bilang drug cleared, ginpasiguro ni Grabato nga hugot sila sa gihapon nga magabantay agud indi na makasulod ang druga sa ila banwa.
