Davao City – Nasikop sa mga personahe sa Province Provincial Drug Enforcement Office of the Philippine Drug Enforcement Agency Regional Office ang unom ka mga indibidwal sa Purok 6, Barangay Manat, Nabunturan, Compostela Valley Province tungod sa iligal nga droga alas 2:20 niadtong Hulyo 21, 2018.
Sa report sa PDEA XI, sa gipahigayong anti-drug operation sa gi-raid nga drug den, giila ang mga dinakpan nga sila Charles Ryan Apare, Renante Mama, ug Alonzo Gardose kinsa naaresto tungod sa pagpamaligya og usa ka medium pack sa gituohang shabu nga mukantidad sa 50,000 pesos.
Dugang niini, lakip nasikop sila Algen Lanterna ug Mercedes Varon tungod sa pagbisita sa drug den samtang ang usa nga si alyas Kim-kim nga menor edad na-rescue sa operatiba diin laing usa ka medium pack sa gituohang shabu nga adunay street value nga 90,000 pesos ang narekober lakip ang ubay-ubay ka mga empty plastic sachets nga adunay shabu residue, assorted drug paraphernalia ug buy-bust marked money.
Mag-atubang ang mga dinakpan og kasong adunay kalapasan sa Republic Act 9165 kun Comprehensive Dangerous Drugs Act of 2002 samtang ang na-rescue nga menor de edad gi-turn over ngadto sa Quick Response Team for Children’s Concern.
RadyoMaN Renz Barbarona
