Davao City – Gikasuhan na ang upat ka mga suspetsado kinsa nasikop sa usa ka drug den atol sa Anti-Illegal Drug Operation sa Purok 8, Barangay San Miguel, Tagum City niadtong Hulyo 22,2019.
Giila sa Police Regional Office kun PRO XI ang mga dinakpan nga sila Emelita Maglasang Perlas, 44 anyos, Adril Felix Cervantes, 32 anyos, Cherry Mae Alcala Sevillano, 24 anyos ug Jason perlas magdua, 27 anyos kinsa ang upat mag atubang og kasong adunay kalapasan sa Republic Act 9165 kun Comprehensive Dangerous Drugs Act of 2002.
Sa maong operasyon, nakuhaan matod pa ang mga suspek og 20 grams sa gituohang shabu ug uban pang paraphernalia nga gamit sa ginadiling droga ug adunay estimated value nga 200,000 pesos.
Samtang sumala ni Regional Director Marcelo Morales, dili sila magpanuko sa pagsikop sa mga tawong nalambigit sa iligal nga droga dinhi sa rehiyon XI.
RadyoMaN Franchette Novah Bernadette
