Davao City- Arestado sa buy bust operation sa San Pedro PNP ang usa ka live-in partner human nakuhaan og duha ka sachet nga gituohang shabu nga mukantidad og P2,000.
Atol sa gikasang buy bust operation alas 7:40 kagabie sa Purok 2, Brgy. 76-A, siyudad sa Davao naila ang mga dinakpan nga mao sila Mary Ann Curalat ug Janno Adjeli, hingkod ang mga edad ug residente sa nahisgutang lugar.
Narekober sa kapolisan ang usa ka cellphone nga maoy gigamit sa iligal nga transaksiyon gawas sa droga.
Ang duha ka mga dinakpan balhug na sa selda sa kapolisan ug mag-atubang og kasong kalapasan sa Akta Republika 9165 kon Comprehensive Dangerous Drugs Act of 2002.
RadyoMan Don Pulayao
Facebook Comments
