Davao City – Napuhag sa mga membro sa Philippine Drug Enforcement Agency XI (PDEA XI) ang usa ka drug den sa Brgy. Baybay, Malalag Davao Del Sur joint operation nga gilusad alas siete sa kagabhion.
Arestado ang unom ka mga suspek diin upat niini trabahante (job order) sa Davao Del Sur Provincial Disaster Risk Reduction and Management Office.
Sumala ni PDEA-XI Regional Director Atty. Bhen Tesiorna nga ang mga nadakpan nga job order sa kapitolyo sa Davao del Sur mao sila si Tony Bansilan, Michael Villaber, Noel Bartolome ug Renante Mejorada.
Matud ni Atty. Tesiorna nga naaresto usab atol sa drug buy bust operation ang suspek nga ginganlan ug Jason Mendez alyas Bosing nga positibong gitudlo sa asset nga maoy nag operate sa maong drug den ug iyang pangabaga si Ruel Gonzaga.
Nakompiskar gikan sa posisyon sa mga suspek ang illegal drugs nga mobalor og 180 mill ka pesos lakip ang marked money nga nagkantidad og kinyentos ka pesos.
Gikustodiya na sa PDEA XI ang mga dinakpan samtang gikatakda na kining pasakahan og kaso sa piskaliya.
RadyoMaN Erin Lumosbog
