General Santos City–Malampusong nasikop sa hiniusang pwersa sa PDEA-12, Police Station 3 ug Police Station 4 ang usa ka gikonsiderang high value target otoridad nga nalambigit sa pagpamaligya ug iligal nga droga nga si Matan Romapal Alyas Tantan, hamtong ang panuigon nga nanimuyo sa barangay ligaya ning syudad sa ilahang gipahigayon nga buybust operation alas 2:30 ang takna sa kaadlawon sa Purok 1, Barangay Ligaya ning syudad.
Sumala pa ni Kath Abad ang tigpamaba sa PDEA 12 nga napalitan ang nasangpit nga suspect ug usa ka sachet sa shabu samtang pagsulod sa panimalay sa nahisgutan nasayran nga ginahimo diay kini nga drug den kung asa naabtan ang upat ka parokyano niini nga gasuyop ug droga sa maong lugar hinungdanb nga giapil ug sikop.
Giila ang mga suspect nga silang Wenar Sayari alyas Wenar, Jona Betonio alyas Jona, Joey Badajos alyas Joey ug Nario Paildin, alyas Dodong.
Nakuha sa possisyon sa mga nasangpit nga suspect ang 3 ka medium sachet sa shabu, 4 ka large sachet, usa ka large sachet nga walay unod ug dunay residue mga tooter ug lighter nga gamit sa pagsuyop sa mga suspect.
Gibana-banaang anaa sa 30 ka gramos ang gibug-aton sa iligal mnga droga ang nga nakumpiska sa kapulisan ug PDEA-12 nga gibana-banaang moabot ug 200,000.00 pesos ang kantidad.
Giandam naman usab sa PDEA 12 ang kasong pagsupak sa RA 9165, sec 5 o pag pamaligya, 6 o pag mentinar ug drug den, 11 o paghupot ug illegal nga droga ug 12 o paghupot ug paraphernalia sa target nga si alyas Tantan samtang pagsupak sa sec 7 o pagbisita sa drug den, 11 ug 12 sa Art II sa mga parokyano niini.
