Ginsalakay ang isa ka drug den sang gintingob nga pwersa sang PDEA Sultan Kudarat Provincial Office kag PDEA Regional Special Enforcement Team (RSET) 12 upod ang Sultan Kudarat Provincial Drug Enforcement Unit kag Tacurong City Police Station, paagi sa implementasyon sang search warrant sa Purok Rose, Brgy. Baras, Tacurong City, Sultan Kudarat, alas 4:40 kahapon sang hapon, Oktubre 8, 2021.
May-angot sini, arestado ang target nga si Jomar Patiño, 35-anyos, provincial level target drug personality nga nagamintinar sang drug den sa iya balay.
Suno pa si Patiño ang nagabaligya sang madamo nga shabu sa Tacurong City kag kaiping nga munisipalidad.
Nareport naman suno pa ang suspek sang concerned citizen sa ‘Isumbong Mo Kay Wilkins’ platform.
Narresto man ang mga yara sa drug den nga ginkilala kanday Crystal Galey Palmes, 20-anyos, John Berry Nimes, 29-anyos, Rogen Patiño Oncino, 36-anyos, kag Felipe Panes, 72-anyos.
Nakuha naman sa operasyon ang duha ka large sachets sang shabu nga may kabug-aton nga more or less 11 grams nga nagakantidad sang P74, 800.00, assorted drug paraphernalia kag cellular phones.
Kaso naman nga pagbayolar sa Article II sang RA 9165 ang ipasaka batok sa suspek.
Sa subong ang mga suspek ang nakadetine sa PDEA 12 Custodial Facility.
