General Santos City—gibungkag sa Philippine Drug Enforcement Agency (PDEA) ang usa ka drug den sa Lambayong, Sultan Kudarat niadtong November 14, 2017
Alas 10:00 sa buntag dihang gisulod sa joint operatives sa PDEA-12 ilawom sa superbisyon ni Director Gil Cesario Castro, PDEA ARMM nga gipangunahan ni Agent Fim Anthony Naïve ug 1st Mechanized Infantry Battalion (MIB) nga gipangunahan ni Major Allan Gesulga ang drug den sa may Prk. Rang-ay, Brgy. Poblacion, Lambayong, Sultan Kudarat pinasikad sa search warrant diin target ang iligal nga droga ug armas.
Atol sa operasyon, naaresto silang Albije Biang, 27 minyo, lending collector, Rongto Kambali, 35, minyo, mag-uuma; Saudin Sangkilamat, 28, ulitawo, construction worker; Edmar Cantillo, 35, ulitawo, karpentero; Jerry Abellera, 30, single, construction worker, Alfred Bansawan, 19, estudyante; ug Lady Biang, 24, minyo, pulos residenti sa samang lugar.
Nakuha sa lugar ang mukabat (30) gramos sa gituohang “shabu” nga gibana-banaang anaa sa P150,000.00, (1) Colt M4A1; (1) 30 rounder 5.56 magazine nga dunay mga buhing bala, (1) upper receiver assembly M4, (1) improvised 40 rounder magazine nga dunay kargang mga bala; (1) digital weighing scale; (1) 380 magazine nga may mga buhing bala; (1) 380 caliber pistol, (1) military sling bag, (1) damage KG9 magazine ug daghan pang uban.
Kasong kalapasan sa RA 9165 ug RA 10591ang ipasang-at nga kaso batok sa mga suspek kansa balhog kaorn sa silda sa PDEA Regional Office-12.
Photo Credit to: PDEA Socksargen
