General Santos City—Gibungkag sa Operatiba sa PDEA uban ang kapulisan ang usa ka drug den nga nahimutang sa may Purok Malipayon, Brgy. Apopong, Gensan atol sa ilang gihimong Anti-Illegal Drug Operation kagahapong adlawa.
Unang gihimo ang usa ka buybust operation batok kang Kim Bautista 28, residenti sa Ilang-Ilang Street, Brgy. Poblacion, Polomolok. Nasikop ang nasampit sa panimalay ni Aldrico Lubaton, 21, negusyante ug residenti sa Purok Malipayon, Brgy. Apopong, Gensan.
Ang maong Buy-bust operation miresulta sa pagkabisto sa drug den ug pagkasikop sa silang ni Jimrueal Dumanjog 28, resident sa Adelfa Street, Brgy. Poblacion, Polomolok; Princess Aquino, 22, residenti sa 2nd Road Cannery, Polomolok, ug Ian Paul Escobañez, 21, residenti sa 2nd Road, Cannery, Polomolok.
Nakumpiska ang lima ka sachet sa gituohang shabu nga gibana-banaang mukabat sa 11 ka gramos ang gibug-aton nga gibana-banaan usab nga moabot ug P74, 800.00, ang kantidad.
Narecover usab ang mga empty sachet nga aduna pay residue sa gituohang shabu ugmga illegal drug paraphernalia’s.
Kasong kalapasan sa Section 5, 6, 7, 11 ug 12, Article II sa Republic Act 9165 ang atubangon sa mga dinakpan kansa balhog karon sa silda sa PDEA -12 Detention Facility.
