General Santos City—Sikop sa operatiba sa PDEA Regional Office 12 ang drug den maintainer ug (5) pa ka mga kaubanan niini atol sa gihimong Search Warrant operation alas 10:05 sa gabie sa may Champaca Street corner Naranghita Street, Barangay Dadiangas South, General Santos City.
Ang mga nadakpan nailang silang si Christine Madison Chua, Alias Mai-Mai,31, drug den maintainer, dalaga; Shirley Lozada, 53, pulos residenti sa samang lugar; Charmaine Vallinas, 32, residenti sa Saging Street, Brgy. Dadiangas South, Gensan; Galvin Capilitan, 33, driver, residente sa De Vera St., Brgy. Lagao, Gensan; Jovert Mendoza, 25, residente sa San Pedro Ext., Brgy. Lagao, ug Ivan Louie Dinopol, 30, residenti sa Johnny Ang Subdivision, Brgy. Lagao, General Santos City.
Mukabat sa (25) gramos sa suspected shabu nga may market value nga P170,000.00, ug mga drug paraphernalia’s ang narekober sa PDEA-gikan sa maong lugar.
Gikonsidera usab nga high value target si Chua gumikan sa pagmintina niini sa drug den ug naapil na usab kini sa Watch list sa PDEA ug PNP ayha pa nahitabo ang search operation.
Pipila sa mga customers ni Chua gilangkuban sa government employees, tricycle drivers ug bisan na security escorts sa pipila ka mga opisyal ug businessmen. Duna na usab kini kanhing kaso nga kalapasan sa RA 9165.
Kasong kalapasan sa Section 6 (Maintenance of a Den), Section 7 (Employees and Visitors of a Den), Section 11 (Possession of Illegal Drugs) ug Section 12 (Possession of Drug Paraphernalia), Article II of Republic Act 9165 ( Comprehensive Dangerous Drugs Act of 2002) ang giatubang nga kaso sa mga dinakpan nga balhog karon sa silda sa PDEA-12.
