Drug den sa Panabo na-dismantle 6 arestado

65

Davao City- Gikasuhan sa Philippine Drug Enforcement Agency (PDEA) Region XI sa paglapas sa RA 9165 kun Comprehensive Dangerous Drugs Act ang unom ka drug suspects nga naaresto sulod sa gituohang drug den sa may Purok Talong, Barangay Gredu, Panabo City, Davao del Norte.

Sa interbyu sa RMN Davao kang PDEA XI spokesperson Noli Dimaandal malampuson nilang nadakpan ang duha ka mga target sa buy bust operation nga sila Zenilo Magallen alyas “Noknok” ug Jomare Amatong Olaveja human kini mapalitan sa mga operatiba og shabu.

Matud ni Dimaandal si Alyas “Noknok” ang nanag-iya sa maong balay nga gihimo matud pa og drug den.

“Actually dugay-dugay na nato ni sila gipanid-an. Nasikop sad ni sila pinaagi sa paghatag og information sa community ug sa silingan nga nakamatikod nga kining balaya ni bisan kinsa lang ang mosulod, ilahang gi-report pinaagi sa PDEA hotline numbers ug sa kapulisan. Nag-conduct ta og casing, surveillance and we found out nga tinuod gyod ‘tong gihatag nila nga information kaya atong gikasa ang anti-drug operation which resulted sa apprehension sa ilaha ug sa pagka-dismantle sa drug den,” sumala ni Dimaandal.

Lakip sa gipang-aresto ang mga naabtang 4 ka mga bisita sulod sa maong drug den nga sila Dexter Jhon Torres, Elmer Banosong, Roey Lacsi ug Shella Mae Olaveja.

Mosumada sa P270K nga kantidad sa shabu ang narekober atol sa maong drug operation.

(Aimee Guinita)




Facebook Comments